گھریلو جھگڑا: سلانوالی میں خاوند نے اپنی بیوی کو کلہاڑی سے قتل کر دیا

فوٹو: بشکریہ انڈین ایکسپریس

سرگودھا(ٹانگووالی۔ 07 جنوری2018ء)سرگودھا کے ایک  قصبہ سلانوالی کے چک میں ایک گھر میں میاں اور بیوی کے درمیان جھگڑاہو گیا۔جِس کی بناء پر خاوند نے کلہاڑی کے پے درپے وارکرکے اپنی بیوی کو قتل کردیا۔پولیس نے ملزم کو گرفتار کر لیا ہے۔زرائع اور اٗردو پوائنٹ اخبار کے مطابق ایک  گاؤں 131 جنوبی میں سکندر نامی شخص کا اپنی بیوی سمیرا بی بی سے جھگڑا ہوگیااور وہ روٹھ کر میکے چلی گئی اور چند دِن پہلے وہ اٗسے منا کر گھر واپس لے آیا۔ اٗس سے اگلے دِن پھر دونوں کے درمیان پر تلخ کلامی ہوگئی جس پر سکندر نے غصے میں آکر بغیر کچھ سوچے سمجھے کلہاڑی سے حملہ کرکے اپنی بیوی سمیرابی بی کو موت کے گھاٹ اتار دیا۔ تھانہ سلانوالی پولیس نے مقتولہ کی لاش پوسٹ مارٹم کے لیے ہسپتال پہنچا دی اور چھاپہ مار کر مقتولہ کے خاوند قاتل ملزم کو گرفتار کرلیا مقتولہ تین بچوں کی ماں تھی۔